لاہور+ فیروزوالا+ گوجرانوالہ (نامہ نگاران) لاہور کے مختلف علاقوں میں 26 لاکھ کے ڈاکے، چوریاں، گوجرانوالہ میں مزاحمت پر شہری قتل ہوگیا۔ ڈاکوؤں نے اسلام پورہ کے علاقہ ناصر باغ کے قریب عبدالصمد سے 12 لاکھ روپے کی کار اور موبائل فون، فیصل ٹاؤن شو کت علی روڈ پر ذیشان سے 10 لاکھ روپے کی کار، نقدی اور موبائل نقدی، گارڈن ٹاؤن طا رق بلاک میں آصف اور اسکی فیملی سے 6 لاکھ کی نقدی و زیورات، برکی لدھڑ کے اصغر کے گھر سے 5 لا کھ روپے، ہربنس پورہ کے ساجد کے گھر سے 3 لاکھ روپے جبکہ لیاقت آبا د کے علاقے میں رضا رحمت کے گھر سے 2 لا کھ روپے، شاہدہ یوسف پارک کی ساجدہ کے گھر سے ایک لا کھ 50 ہزار روپے کی نقدی، طلائی زیورات اور دیگر سامان، جنوبی چھائونی گول چکر کیولری گرائونڈ میں سجاد عارف سے 85 ہزار اور موبائل فون، مانگا منڈی میں انور خان سے 35 ہزار اور موبائل فون لوٹ لیا۔ چوروں نے لٹن روڈ میں عبداللہ کے گھر سے 4 لاکھ روپے، باغبانپورہ میں عرفان کے گھر سے سوا لاکھ روپے، جوہر ٹائون وفاقی کالونی کے یاسر کے گھر سے دو لاکھ روپے کی نقدی، زیورات و دیگر سامان چوری کرلیا ہے۔ چوروں نے مغلپورہ سے عمران، گلشن اقبال سے ریحان، سلیم گلشن راوی سے عبدالحفیظ، جوہر ٹائون سے مقصود احمد، فیصل ٹائون سے عالم علی شاہ کی کاریں جبکہ اسلام پورہ سے عمران، شاہدرہ سے محمد لطیف، راوی روڈ سے احمد علی، لوئر مال سے مظہر، نولکھا سے عباس اور نجم الحسن، لٹن روڈ سے نعیم، مزنگ سے عاصم، گلشن اقبال سے شاہد محمود، شیراکوٹ سے نور، گلشن راوی سے مقصود، اقبال ٹائون سے محسن کی موٹر سائیکلیں چوری کرلی ہیں۔ علاوہ ازیں لاہور روڈ کی آبادی غریب آباد میں ڈاکوئوں نے گن پوائنٹ پر بنک سے رقم لیکر آنیوالے شہری صابر کو لوٹ لیا۔ ایک لاکھ روپے اور موبائل چھین لیا۔ ڈاکوئوں نے کار سوار منظر حسین سے دو لاکھ اور دو موبائل چھین لئے۔ خاتون ثوبیہ بی بی سے 6 ہزار، موبائل پرس سمیت لے گئے۔ شاہد اور عبدالرحیم سے نقدی، موبائل چھین لئے۔ شاہدرہ میں ڈاکوئوں نے اشرف کے گھر میں داخل ہوکر لاکھوں روپے کے زیورات، نقدی لوٹ کر لے گئے۔ نامعلوم افراد نے فارو ق اور زاہد کی موٹر سائیکلیں چوری کرلیں۔ گوجرانوالہ میں نواز کالونی کے سعید کے گھر دن دیہاڑے تین ڈاکو داخل ہوئے، اسلحہ کی نوک پر تمام افراد کو یرغمال بنالیا اور لوٹ مار کرنے لگے، مزاحمت پر ڈاکوئوں نے فائرنگ کردی۔ سعید گولیوں کی زد میں آکر شدید زخمی ہوگیا۔ مضروب کو تشویشناک حالت میں ڈسٹرکٹ ہسپتال منتقل کیا جارہا تھا کہ راستے میں ہی زخموں کی تاب نہ لاتے ہوئے دم توڑ گیا۔ پیپلز کالونی پولیس مصروف تفتیش ہے۔