بھارتی ریاست گجرات میں سیلاب سے 26 افراد ہلاک
نئی دہلی (اے پی پی) بھارت کی مغربی ریاست گجرات میں مون سون کی بارشوں کے باعث آنے والے سیلاب کے نتیجے میں کم از کم 26افراد ہلاک ہو گئے۔ ریاستی ایمرجنسی کنٹرول روم میں ڈپٹی آفیسر نے فرانسیسی خبررساں ادارے کو بتایا کہ شدید بارش اور تیز ہوائوں کے باعث گجرات کے شمال میں 2000گائوں متاثر ہوئے ہیں۔ انہوں نے کہا کہ بجلی اور مواصلات کا نظام درہم برہم ہونے کی وجہ سے ان دیہاتوں سے رابطہ منقطع ہو گیا ۔ انہوں نے کہا کہ ریسکیو ٹیممیں متاثرہ علاقوں کا رخ کر رہی ہیں اور بناسکا ضلع میں سب سے زیادہ 8افراد ہلاک ہوئے ہیں۔ انہوں نے کہا کہ سیلاب متاثرین کو محفوظ مقامات پر منتقل کرنا ہماری اولین ترجیح ہے ۔
