لاہور(سپورٹس ڈیسک) پاکستان نے سہیل تنویر اور عمر اکمل کی عمدہ پرفارمنس کی بدولت سری لنکا کو پہلے ٹی ٹوئنٹی میچ میں 29 رنز سے شکست دے دی۔ کولمبو میں کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا تو اوپنرمختار احمد صرف دو رنز بنا کر اینجلو میتھیوز کی وکٹ بن گئے۔محمد حفیظ اور احمد شہزاد نے سکور کو 52 رنز تک پہنچایا لیکن آٹھویں اوور میں حفیظ بڑا شاٹ کھیلنے کی کوشش میں وکٹ دے بیٹھے۔احمد شہزاد کیچ چھوٹنے کا فائدہ اٹھانے میں ناکام رہے اور 83 کے مجموعی سکور پر 46 رنز بنانے کے بعد تھسارا پریرا کی دوسری وکٹ بن گئے۔ عمر اکمل اور شعیب ملک نے 79 رنز کی شراکت قائم کر کے سکور کو 163 تک پہنچا دیا۔عمر اکمل 24 گیندوں پر 46 رنز کی جارحانہ باری کھیلنے کے بعد ملنگا کی گیند پر ایل بی ڈبلیو ہوئے۔پاکستان نے مقررہ اوورز میں پانچ وکٹوں کے نقصان پر 175 رنز بنائے۔ شعیب 46 رنز بنا کر ناقابل شکست رہے۔ تھسارا پریرا دو وکٹوں کے ساتھ کامیاب باو¿لر رہے۔ سری لنکا کے اوپنر کسال پریرا 4 رنز پرپہلے ہی اوور میں اونچا شاٹ کھیلتے ہوئے انور علی کی گیند پرشاہد آفریدی کو کیچ دے بیٹھے۔ 19 کے مجموعی سکور پر مزید دو بلے باز تلکارتنے دلشان(6 رنز) اور کتھورواں وتھاناگے (1 رن)سہیل تنویر کا نشانہ بن گئے۔ دھنان جایا ڈی سلو اور اینجلو میتھیوز نے محتاط انداز میں سکور 55 رنز تک پہنچا ، جب عماد وسیم نے میتھیوز کو بولڈ کر دیا۔ میزبان ٹیم مقررہ بیس اوورز میں سات وکٹوں پر 146 رنز تک محدود ہو گئی۔ سہیل نے 29 رنز دے کر 3، انور علی نے 2، جبکہ عماد اور شعیب ملک نے ایک ایک بلے باز کو پویلین کی راہ دکھائی۔سہیل تنویر کو مین آف دی میچ قرار دیا گیا۔ڈی ایم ڈی سلوا، بی فرنینڈو، ٹی ایم سری وردھنا، جے ایف وینڈرسے نے سری لنکا کی جانب سے ٹی ٹوئنٹی ڈیبو کیا
کرکٹ میچ