لاہور+ فیروزوالا (سٹاف رپورٹر+ نامہ نگار) لاہور میں مختلف وارداتوں میں شہریوں سے 53 لاکھ کا مال لوٹ لیا جبکہ ڈکیتی مزاحمت پر سٹور مالک کو فائرنگ کرکے قتل کر دیا گیا۔ ملت پارک شریف کالونی کا 40 سالہ نجیب اللہ کا ملت پارک بازار میں جنرل سٹور تھا گذشتہ روز نجیب اللہ دکان سٹور بند کرکے اپنے بھانجے شیخ احسن اقبال کے ہمراہ گھر آ رہا تھا تو اسی دوران 2 موٹرسائیکل سوار افراد نے روک لیا اور لوٹ مار کے دوران مزاحمت پر فائرنگ کرکے قتل کر دیا۔ پولیس نے بھانجے کی مدعیت پر نامعلوم ملزمان کیخلاف قتل کا مقدمہ درج کر لیا۔ مقتول ایک بچی کا باپ تھا۔ تھانہ مصری شاہ کے علاقہ چھوپورہ کے محمد شکیل کے گھر سے2 لاکھ40 روپے کی نقدی و زیورات ، تھانہ جوہر ٹائون کے علاقہ ایف بلاک کے ابراہیم کے گھر سے 3 لاکھ54 ہزار کی نقدی و زیورات ، تھانہ ڈیفنس بی کے علاقہ میں 102 ڈی کے اسلم کے گھر سے 2 لاکھ28 ہزار کی نقدی اور زیورات چوری کر لئے گئے جبکہ ڈاکوئوں نے چوہنگ جوبلی ٹائون کے خرم کے گھر سے 25لاکھ کی نقدی و زیورات، سبزہ زارکے علاقہ میں رحمٰن کے گھر سے ساڑھے 9 لاکھ کی نقدی و زیورات ، فیکٹری ایریا کے علاقہ میںوسیم کے گھر سے 90ہزار کی نقدی و زیورات ، گلشن اقبال میں شاہد سے ساڑھے 6 لاکھ کی نقدی زیورات، اچھرہ میں ہما سے 3 لاکھ کی نقدی و زیورات اور موبائل،گجرپورہ گھوڑے شاہ روڈ پر ناظر سے 41 ہزار کی نقدی و زیورات ، اقبال ٹائون کے علاقہ ہنزہ بلاک میں جنید سے 90 ہزار نقدی و موبائل ، جنوبی چھائونی کے علاقہ میں سجاد سے 28 ہزار کی نقدی وموبائل لوٹ لیا گیا۔ بھاٹی گیٹ سرکلر روڈ جامعہ مسجد نور کے سامنے عارف عزیز، سول لائن ایوان اقبال کے سامنے عاطف لطیف، لٹن روڈ یوتھ ہائوس کے باہر سے اشتیاق ، ریس کورس ہیڈ آفس ریس کورس کے سامنے گلزار ، جوہر ٹائون وفاقی کالونی سکندر، ستوکتلہ واپڈا ٹائون محمد مدثر، چوہنگ کینال کالونی محمد اسماعیل، ڈیفنس سے محمد ریاض اور غازی آباد تاج باغ حسن سٹریٹ سے یاسر حسین کی گاڑیاں چوری کر لی گئیں جبکہ پرانی انارکلی جین مندر انور مسیح، مغلپورہ چودھری میڈیکل سٹور کے سامنے احسن، ساندہ نیشنل ٹائون سے ندیم خان، اقبال ٹائون مون مارکیٹ منصور احمد، شیرا کوٹ غنی کالونی عاطف سلیم، شفیق آباد کریم پارک عبدالمجید ہسپتال سے عمران ، گوالمنڈی میو ہسپتال سے عبدالقیوم، بادامی باغ سہیل سٹیل ملز کے سامنے عاصم ، اسلامپورہ بینک آف پنجاب کے سامنے منیب، لوئرمال اختر علی کے کارخانے کے سامنے ارشد، شادباغ جامع مسجد العزیز کلب چوک سے محمد ایوب، اسلامپورہ آئوٹ فال روڈ حیدر حسین، گلی نمبر 10 نزد سبز پیر دربار محمد شبیر ، مزنگ اے جی آفس کے باہر کاشف علی، شالیمار گلشن سکی سے مظہر علی، سبزہ زار ملتان روڈ نور محمد، ہربنس پورہ کوٹلی پیر عبدالرحمان سے عدنان ظفر کی موٹرسائیکلیں چوری ہو گئیں۔علاوہ ازیں فیروز والا میں ڈاکوئوں نے جمشید کی دکان میں داخل ہوکر لاکھوں روپے کا سامان لوٹ کر لے گئے۔ ڈاکوئوں نے محمد نواز، اصغر علی اور گلفام کی کاریں اور موٹر سائیکل چھین کر لے گئے۔ چوروں نے عمر کی دکان کے تالے کاٹ کر 5لاکھ روپے کا سامان چوری کرلے گئے۔ کٹھیالہ کے قریب ڈاکوئوں نے اویس اور اسکی بیوی سے زیورات، نقدی، موٹر سائیکل چھین کر لے گئے۔ ڈاکوئوں نے رابطہ سڑک پر ناکہ لگاکر درجنوں افراد کو روک کر لوٹ لیا۔ نقدی، موبائل فونز چھین کر لے گئے۔