قومی بیڈمنٹن چیمپئن شپ کل سے پنجاب یونیورسٹی میں شروع ہو گی
لاہور (سپورٹس رپورٹر) پنجاب بیڈ منٹن ایسوسی ایشن کے زیر اہتمام قومی بیڈمنٹن چیمپئن شپ 4اگست کو پنجاب یونیورسٹی نیو کیمپس لاہور کے ہال میں ہوگی۔ چیمپئن شپ کا افتتاح پاکستان اولمپک ایسوسی ایشن کے صدر لیفٹیننٹ جنرل(ر) عارف حسن کریں گے ۔ پنجاب بیڈ منٹن ایسوسی ایشن کے جنرل سیکرٹری طیب سہیل کے مطابق چھ روز تک جاری رہنے والے ایونٹ میں 29صوبائی اور ڈیپارٹمنٹل ٹیموں نے شرکت کی تصدیق کی ہے اور اس میں دو سوسے زائد کھلاڑی مختلف کیٹیگری میں حصہ لیں گے ۔ انفرادی ایونٹس کے لئے دو لاکھ روپے کی انعامی رقم مختص کی گئی ہے ۔چیمپئن شپ میں نمایا ںکارکردگی کا مظاہرہ کرے والے کھلاڑیوں کو رواں سال ہونے والے مختلف انٹرنیشنل ایونٹس میں شرکت کا موقع دیا جائے گا ۔
