زیارت: باراتیوں کی بس کھائی میں گر گئی، 5 افراد جاں بحق، 30 زخمی
زیارت (نوائے وقت نیوز) بلوچستان کے ضلع زیارت میں باراتیوں کی بس کھائی میں گرنے سے 5 افراد جاں بحق، خواتین اور بچوں سمیت 30 زخمی ہوگئے۔ ریسکیو ذرائع کے مطابق حادثہ زیارت کے علاقے کواس میں پیش آیا اورتیز رفتاری کے باعث کوئٹہ سے دکی جانیوالی باراتیوں کی بس تیز رفتاری کے باعث گہری کھائی میں جا گری۔ زخمیوں کو کواس ہسپتا ل منتقل کر دیا گیا ہے۔ جہاں متعدد کی حالت تشویشناک ہے جس سے ہلاکتوں میں اضافے کا خدشہ ہے۔
