لاہور(سپورٹس رپورٹر) قومی بیڈ منٹن چیمپئن شپ کے ٹیم ایونٹ کے مردوں کا ٹائٹل نیشنل بنک جبکہ ویمنز میں واپڈا نے چیمپئن ہونے کا اعزاز اپنے نام کیا۔ مینز ٹیم ایونٹ میں نیشنل بنک نے واپڈا کو سخت مقابلے کے بعد تین دو سے مات دی۔ پہلے سنگل میچ میں نیشنل بنک کے مراد علی نے واپڈا کے عظم سرور کو 19-21، 21-17 اور 21-16 سے ہرایا۔ ڈبلز ایونٹ میں نیشنل بنک کے رضوان اور کاشف نے واپڈا کے عظیم سرور اور عرفان سعید کو 17-21، 21-14 اور 21-17 سے ہرایا۔ دوسرے سنگل مقابلے میں واپڈا کے اویس زاہد نے نیشنل بنک کو 21-10 اور 21-17 سے ہرایا۔ دوسرے ڈبلز کے میچ میں واپڈا کے عتیق اور اویس پر مشتمل جوری نے نیشنل بنک کے اعجاز اور مراد علی کر ہرا کر مقابلہ دو دو سیٹ برابر کر دیا۔ مینز کے پانچویں اور فیصلہ کن سنگل میچ میں نیشنل بنک کے رضوان اعظم نے واپڈا کے عرفان سعید کو شکست دیکر اپنغے ادارہ کو چیمپئن بنا دیا۔ خواتین کے ٹیم ایونٹ میں نیشنل بنک کی پلواشہ بشیر نے واپڈا کی خضرہ راشد کے خلاف 21-13 اور 21-7 سے کامیابی حاصل کی۔ پہلے ڈبلز میں میں واپڈا کی صائمہ اور فرزانہ نے نیشنل بنک کی عائشہ اور سارہ خان کو مات دیکر دو صفر سے برتری حاصل کی۔ دوسرے سنگل میچ میں نیشنل بنک نے کم بیک کرتے ہوئے ماہ نور شہزاد نے عائشہ اکرام کو ہرایا۔ دوسرے ڈبلز میں پلواشہ بشیر اور سارہ مہمند نے سدرہ اور خضرہ کے خلاف کامیابی اپنے نام کی۔ نتیسرے سنگلز مقابلے واپڈا کی صائمہ وقاص نے سارہ مہمند کے خلاف کامیابی حاصلب کر کے ٹیم ایونٹ واپڈا کے نام کر دیا۔