کراچی (سپورٹس رپورٹر) چیف آف نیول سٹاف اوپن گالف چیمپئن شپ کا آغاز معروف گالفرز محمد منیر اور وحید بلوچ کی شاندار سکورنگ سے ہوا۔ 4 روزہ چیمپئن شپ کے پہلے روز محمدمنیر نے 7 انڈر پار 65 کے ساتھ شاندار آغا ز کیا۔ 2013ءکے چیمپئن پاکستان پٹرولیم کے وحید بلوچ نے 6 انڈرپار 66 کے ساتھ دوم پوزیشن حاصل کی۔شاہد جاوید نے بھی 6 انڈر پار 66 سکورکے ساتھ وحید بلوچ کے ہمراہ دوم پوزیشن حاصل کی۔ دفاعی چیمپئن شبیر اقبال نے 2 اوور پار 74 کے ساتھ ٹاپ 20 میں شامل میں شامل ہوئے۔پاکستان نیوی کے زیراہتمام نیشنل گالف سرکٹ کے انعامی رقم کے لحاظ سے سب سے بڑے ایونٹ میں ہول ان ون کے لئے 2 کاریں رکھی گئی ہیں پہلے دن کسی گالفرز کو ہول ان ون کا چانس نہیں ملا۔ 72 ہول پر مشتمل قومی ایونٹ میں مجموعی طور پر ملک بھر سے 121 پروفیشنل گالفرز حصہ لے رہے ہیں۔جمعرات کو خوش گوار موسم اور کورس کی پلائنگ کنڈیشن سے شرکا نے خوف فائدہ اٹھایا ا ور اپنے شاندار کھیل سے شائقین کو متاثر کیا۔ دوسری جانب سینئر پروفیشنل کے مقابلے 8اور 9 اگست کو ہوگی اسی طرح لیڈیز اور جونیئر کے مقابلے 8اگست کو ہوںگے۔