کراچی (وقت نیوز) چیف آف نیول سٹاف ایڈمرل محمد ذکاءاللہ کی زیرصدارت کمانڈ اینڈ سٹاف کا اجلاس ہوا۔ ترجمان کے مطابق کانفرنس میں پرنسپل سٹاف، افسران اور فیلڈ کمانڈرز نے شرکت کی۔ پاک بحریہ کی آپریشنل تیاریوں اور منصوبوں کا جائزہ لیا گیا۔ نیول چیف نے پاک بحریہ کی آپریشنل تیاریوں پر اطمینان کا اظہار کیا ہے۔ خطے کی موجودہ بحری صورتحال، ترجیحات اور جاری ترقیاتی منصوبوں پر تفصیلی غور کیا۔ کانفرنس میں حالیہ سیلابی صورتحال سے نمٹنے کیلئے ریسکیو آپریشنز پر بھی بریفنگ دی۔ نیول چیف نے کہا کہ متاثرین کی امداد کیلئے دستیاب وسائل پوری تندہی سے استعمال کیے جائیں۔ پیشہ ورانہ مقاصد کے حصول کیلئے آپریشنل صلاحیتوں میں اضافہ ناگزیر ہے۔
نیول چیف