گوجرانوالہ (نمائندہ خصوصی) تیز رفتار کار کی زد میں ماں بیٹا زندگی کی بازی ہار گئے۔ تفصیلات کے مطابق چھچھروالی کے رہائشی مقدس کی بیوی نسرین بی بی اپنے سات سالہ بیٹے فرحان کے ہمراہ گھریلو سامان کی خریداری کیلئے بازار جا رہی تھی جو علاقہ میں ہی سڑک عبور کرنے کے دوران تیز رفتار کار کی زد میں آکر شدید زخمی ہو گئے جنہیں تشویشناک حالت میں فوری طور پر طبی امداد کی فراہمی کیلئے ڈسٹرکٹ ہسپتال منتقل کیا گیا جہاں پر دونوں ماں بیٹا کچھ دیر موت و حیات کی کشمکش میں مبتلا رہنے کے بعد زخموں کی تاب نہ لاتے ہوئے جان کی بازی ہار گئے۔