اسلام آباد (آن لائن) سپیکر قومی اسمبلی سردار ایاز صادق نے کہا ہے کہ ایوان کی قائمہ کمیٹیوں کی کارکردگی اور اخراجات بارے مفصل رپورٹ جلد ایوان میں پیش کر دی جائے گی۔ کمیٹیوں کی کارکردگی اور بھاری اخراجات بارے تحقیقات جاری ہیں۔ سپیکر نے یہ بات سیدہ نفیسہ شاہ کی طرف سے کمیٹیوں کی کارکردگی بارے عدم اطمینان کے اظہار کے بعد بتائی۔ سپیکر نے کہا کہ کمیٹیاں پارلیمنٹ کی اصل روح ہیں ان کے فعال ہونے سے پارلیمنٹ کو مزید موثر بنایا جا سکتا ہے۔