کاروبار میں نقصان پر لاہور میں3 بچوں کے باپ، گھریلو جھگڑے سے تنگ پھول نگر میں خاتون نے زندگی ختم کرلی
لاہور + پھول نگر (نامہ نگاران) مختلف وجوہات پر لاہور میں3 بچوں کے باپ،پھول نگر میں خاتون نے زندگی ختم کرلی۔لاہور میں گجر پورہ کے علاقہ میں 3 بچوں کے باپ نے گھریلو حالات و کاروبار میں نقصان پر زہر کھا لیا۔ گجر پورہ چائنہ سکیم کا 2 بیٹیوں اور ایک بیٹے کا باپ 32 سالہ مرزا کامران بیگ جوتوں کا کارخانہ چلاتا تھا گذشتہ چند ماہ سے اس کا کاروبار نقصان میں جا رہا تھا اس کے مالی حالات خراب ہوگئے دلبرداشتہ ہو کر زہریلی گولیاں کھا لیں ہسپتال لے جایا گیا مگر وہ جانبر نہ ہو سکا۔ علاوہ ازیں پھول نگر کے نواحی گاؤں اولکھ میں تین بچوں کی ماں نے گھریلو جھگڑے سے تنگ آ کر گندم میں ڈالنے والی زہریلی گولیاں کھا کر زندگی کا خاتمہ کر لیا۔ اولکھ کے ملک مشتاق کی بیوی سلمیٰ بی بی کا گزشتہ روز بھی کسی بات پر گھر میں جھگڑا ہو گیا تو اس نے گندم میں ڈالنے والی زہریلی گولیاں کھا لیں۔ ہسپتال لے جایا گیا لیکن وہ جانبر نہ ہو سکی۔
