مانانوالہ+ کامونکے+ چھانگا مانگا (نامہ نگاران) مانانوالہ اور کامونکے میں 2 لڑکیوں سے زیادتی، چھانگا مانگا میں زیادتی کے بعد برہنہ ویڈیو فلم کے ذریعے بلیک میل کرنے والے میاں بیوی گرفتار کرلئے گئے۔ مانانوالہ کے نواحی گائوں قلعہ شبدیو سنگھ کی یاسمین اپنی نند کے ساتھ ڈھاری علی جٹ سے گائوں واپس آ رہی تھی کار اور موٹر سائیکل پر سوار چھ مسلح ملزمان فیاض، ابرار گجر، حامد جٹ، سخاوت شاہ اور دو نامعلوم اغوا کر کے گورنمنٹ ہائی سکول مانانوالہ کے قریب ایک کوٹھی میں لے گئے اور ملزموں نے یاسمین کو برہنہ کر کے ویڈیو فلم بنانا شروع کر دی۔ بگڑے رئیس زادے رات بھر خاتون سے زیادتی کرتے رہے۔ اس دوران ویڈیو فلم منظر عام پر نہ لانے کے عوض مبینہ طور پر ایک لاکھ روپے کا مطالبہ کیا، صبح رہائی کے بعد یاسمین اپنے گھر پہنچا تو خاوند عبدالقیوم کو ظلم سے آگاہ کیا۔ ملزمان چونکہ امیر گھرانوں اور بااثر تھے اس لئے ظلم و بربریت کا شکار ہونے والے خاموش ہو گئے۔ مسلسل ڈرانے دھمکانے اور برہنہ ویڈیو کے عام کرنے کا ڈراوا دے کر ایک لاکھ بھی ہتھیا لئے اور ویڈیو بھی عام کر دی۔ کامونکے میں عیاش نوجوان آشنا مطلقہ عورت کی مدد سے نابالغ لڑکی کوکئی روز تک محبوس رکھ کر زیادتی کا نشانہ بناتا رہا، محلہ محبوب نگر کی مطلقہ فاحشہ عورت صغراں بی بی نے شفیق سے ناجائز تعلقات استوار کرکے گذشتہ ماہ 24 جولائی کو اپنی بیٹی کی رخصتی پر ٹبہ محمد نگر کی منہ بولی بہن کی بیٹی چودہ سالہ رمشاء جو مدرسہ کی طالبہ بتائی جاتی ہے کو اپنے پاس رکھ لیا اور بعدازاں شفیق عرف کدا کو گھربلوا کر رمشاء بی بی کو مسلسل بے آبرو کرواتی رہی۔ ملزم نے اعتراف جرم کرتے ’’نوائے وقت‘‘ کو بتایا صغراں بی بی کی مدد سے وہ قبل ازیں اسکی سگی بیٹی اور متعدد لڑکیوں کو زیادتی کا نشانہ بنا چکا ہے۔ چھانگا مانگا میں زیادتی کے ویڈیو فلم کے ذریعے بلیک میل کرنے والے میاں بیوی گرفتار، پولیس نے لڑکے کے والد کی دراخوست پرمقدمہ درج کرکے تفتیش شروع کردی، لڑکے غلام مرتضیٰ کا ملزم اشرف کے پاس آنا جانا تھا کہ اس نے غلام مرتصیٰ سے 2300/ روپے ادھار لئے تھے، چند ماہ قبل لڑکا غلام مرتصیٰ اشرف سے پیسے لینے اس کے گھر گیا وہ گھر پر نہ تھا اس کی بیوی کوثر پروین نے کہا میرا خاوند آئے گا تو تمھیں بلالونگی، دونوں میاں بیوی نے کمرہ کا کنڈا لگا لیا کوثر پروین رائفل لے کر کمرہ کے باہر بیٹھ گئی اور اشرف نے غلام مرتصیٰ کو جان سے مارنے کی دھمکی دی تمہاری ویڈیو فلم بن گئی ہے۔ اشرف مذکور لڑکے کو بلیک میل کرکے ہزاروں روپے بٹورتا رہا۔کسووال میں تین سالہ مناہل کی والدہ نے کہا گزشتہ روز اس کا چچا بچی کو واپس میرے گھر چھوڑ گیا۔ رات بچی مناہل نے اپنی والدہ سے کہا میرے پیٹ میں درد ہے۔ والدہ تحصیل ہیڈ کوراٹر ہسپتال ڈاکٹر کے پاس لے گئی لیڈی ڈاکٹر نے چیک اپ کے بعد اُس کی والدہ کو بتایا بچی کے ساتھ جنسی زیادتی ہوئی ہے۔کراچی سے این این آئی کے مطابق بسم اللہ چوک سیکٹر فور جی سعید آباد کے پندرہ سالہ لڑکے خالد کو محلے کے اوباش نوجوان عبداللہ عرف رضا نے ہوس کا نشانہ بنایا۔ پولیس کے مطابق عبداللہ نامی ملزم پندرہ سالہ لڑکے خالد کو گزشتہ دو برس سے زیادتی کا نشانہ بنا رہا تھا، جس نے گزشتہ روز بچے نے دلبرداشتہ ہو کر زہر پی لیا جسے تشویشناک حالت میں سول اسپتال منتقل کیا گیا۔