پتوکی+ فیصل آباد + میرپورماتھیلو(نامہ نگاران+ نمائندہ خصوصی + صباح نیوز) پتوکی میں لڑکی، فیصل آباد، چناب نگر میں 3 بچوں، میرپور ماتھیلو میں لڑکے سے زیادتی کی گئی، ویڈیو بھی بنا لیں۔ تفصیلات کے مطابق پتوکی کے نواحی گاؤں ملانوالہ کے اوباش نوجوان عابد اور مبین نے لڑکی فرزانہ سے زیادتی کر ڈالی۔ ملزمان گرفتار، زیادتی کا اقبال جرم کر لیا۔ تھانہ سٹی میں مقدمہ درج کر لیا گیا۔ فیصل آباد میں منصور آباد کے علاقہ کشمیر پل کے قریب خلیل احمد کے بیٹے توصیف سے دو افراد نواز اور زمان، تھانہ ساندل بار کے علاقہ 59 ج۔ ب میں خادم کے بیٹے رحمان کو ظہیر قریشی نے زیادتی کا نشانہ بنا ڈالا۔ چناب نگر موضع ڈاور کے ظہور احمدکا تیرہ سالہ بیٹا ثمر عباس گھر کے باہر کھیل رہا تھا اوباش نوجوان کاشف کھیلنے کے بہانے ورغلاکر ثمرعباس کو اپنے گھر لے گیا اور نشہ آور مشروب پلاکر پانچ اوباشوں سہیل احمد، کاشف، امتیاز، اعجاز، فیصل نے باری باری بچے سے زیادتی کی اور موبائل پر ویڈیو بھی بناتے رہے۔ صباح نیوز کے مطابق میرپور ماتھیلو کے 17 سالہ نوجوان لڑکے کے ساتھ 7 افراد نے اجتماعی زیادتی کی اور ویڈیو بھی بنا لی۔ میرپور ماتھیلو کے چند محلہ کے ایک 17 سالہ نوجوان لڑکے نزاکت حسین کو نواحی گاؤں کورو مہر کے افراد نے قریبی علاقے میں لے جا کر شراب پلانے اور پینے کے بعد زبردستی اجتماعی زیادتی کا نشانہ بنا ڈالا۔ علاوہ ازیں وزیراعلیٰ شہباز شریف نے رحیم یار خان میں پولیس سے انصاف نہ ملنے پر زیادتی کا شکار 14 سالہ لڑکے کی خودکشی کی خبر کا نوٹس لیتے ہوئے ڈی پی او رحیم یارخان سے واقعہ کی رپورٹ طلب کی ہے اور ہدایت کی کہ واقعہ کے ملزموں کو فی الفور گرفتار کر کے متاثرہ خاندان کو ہر قیمت پر انصاف فراہم کیا جائے۔