اسلام آباد (نوائے وقت رپورٹ) اپوزیشن لیڈر خورشید شاہ نے کہا ہے کہ صرف جمہوریت نہیں ملکی استحکام کا مسئلہ ہے۔ فضل الرحمن کی آمد پر واقعہ قابل تشویش ہے۔ رشید گوڈیل کی عیادت کے بعد میڈیا سے گفتگو کرتے ہوئے انہوں نے کہا کہ دہشت گردوں کا متحد ہو کر مقابلہ کرنا ہے۔ ملک دشمنوں کو اقتصادی راہداری منصوبہ کھٹک رہا ہے۔ دہشت گرد کراچی کے حالات خراب کرنا چاہتے ہیں، ملکی حالات کی بہتری کی ذمہ داری ہم سب پر عائد ہوتی ہے۔