بچیانہ : باپ نے لو میرج کرنیوالی بیٹی کو کرنٹ لگا کر مار ڈالا
بچیانہ (نمائندہ نوائے وقت) پسند کی شادی کرنے والی لڑکی کو مبینہ طور پر والد نے بجلی کا کرنٹ لگا کر قتل کر دیا۔ تفصیلات کے مطابق تھانہ لنڈیانوالہ کے چک 583 گ ب کے رہائشی علی رضا کی 18 سالہ بیٹی نازیہ نے ایک ماہ قبل گھر سے بھاگ کر چک 632 گ ب کے رہائشی اپنے کزن طارق کے ساتھ کورٹ میرج کر لی تھی تاہم بعد ازاں نازیہ کو اسکے اہل خانہ بہلا پھسلا کر واپس گھر لے گئے۔ گذشتہ رات مبینہ طور پر نازیہ کے والد نے اسے بجلی کے تار سے کرنٹ کے جھٹکے لگا کر قتل کر دیا۔ پولیس تھانہ لنڈیانوالہ نے نعش قبضہ میں لیکر ضروری کارروائی کیلئے تحصیل ہسپتال جڑانوالہ پہنچا دی۔
