لاہور (نمائندہ سپورٹس) پاکستان کے انٹرنیشنل امپائر احسن رضا کو ایم سی سی کی امپائرنگ قوانین مرتب کرنے والی کمیٹی میں شامل کر لیا گیا ہے۔ کمیٹی 2017ءکے لئے امپائرنگ قوانین کی نئی کتاب کی اشاعت کے لئے تجاویز دے گی۔ احسن رضا کا کہنا ہے کہ ایم سی سی کی قوانین مرتب کرنے والی کمیٹی کا حصہ بننا خوش آئند اور باعث فخر ہے۔ پاکستان میں علیم ڈار اور دیگر امپائرز کی موجودگی میں میرا انتخاب ذاتی خوشی کا باعث ہے ۔مجھے یہ اعزاز پاکستان کی بدولت ہی ملا ہے میر ی خواہش ہو گی کہ امپائرنگ قوانین مرتب کرنے والی کمیٹی میں اچھے انداز میں کام کرکے ملک کا نام روشن کروں۔انہوں نے کہا کہ علیم ڈار اور اسد رﺅف نے امپائرنگ کی دنیا میں صرف پاکستان ہی نہیں دنیائے کرکٹ کی خدمت کی ہے۔ میری کوشش ہے کہ اپنے سینئرز کے مقرر کردہ اعلیٰ معیار کی روایت کو آگے لے کر چلوں اور پاکستان کا نام انصاف کے شعبے میں روشن کروں۔