لاہور+ فیروزوالہ (نام نگاران) لاہور میں 35 لاکھ کے ڈاکے، چوریاں‘ فیروزوالہ میں مبینہ پولیس مقابلہ ایک ڈاکو ہلاک، کانسٹیبل زخمی ہو گیا۔ شاہدرہ کرسچن کالونی کے عبدالحق کے گھر چار ڈاکو گھس آئے اور اہل خانہ کو یرغمال بنا کر گھر سے 16 لاکھ کی نقدی، زیورات و دےگر سامان لوٹ لےا ہے۔ نواب ٹاﺅن ٹھوکر نیاز میں جاوید کی دکان سے چار لاکھ 70ہزار روپے، سمن آباد میں معین اور اسکی فیملی سے دولاکھ روپے کی نقدی و موبائل، شفیق آباد میں جاذب سے ایک لاکھ 75ہزار روپے اور موبائل فون، قائداعظم انڈسٹریل ایریا میں کاشف کی دکان سے 80 ہزار اور موبائل، مغلپورہ میں علی کی دکان سے 12موبائل اور 30 ہزار، ہیئر میں قربان سے 28 ہزار روپے اور موبائل، غالب مارکیٹ میں عثمان سے 18ہزار اور موبائل فون لوٹ لیا ہے۔ چوروں نے شمالی چھاﺅنی میں شہناز کوثر کے پلاٹ سے 15لاکھ مالیت کی اینٹیں، گیٹ اور دیگر سامان چوری کرلیا ہے۔ چوروں نے مسلم ٹاﺅن سے شوکت، کےنٹ سے عامر کی گاڑےاں جبکہ شفیق آباد سے شہزاد، سمن آباد سے عمیر، مغل پورہ سے منصور، سول لائن سے رمضان، نواں کوٹ سے ندیم، گلشن راوی سے کامران، غازی آبادسے طارق، مصطفی ٹاﺅن سے شکیل، نواب ٹاﺅن سے ارشد، ہربنس پو رہ سے صادق، مصطفی آباد سے بابر، جنوبی چھاﺅنی سے صفدر، اقبال ٹاﺅن سے ظفر اور ثمر کی موٹرسائیکلیں چوری کرلی ہےں۔ کالاخطائی روڈ پر مبینہ پولیس مقابلے میں ایک ڈاکو ہلاک، کانسٹیبل زخمی اور دو ڈاکو فرار، موٹرسائیکلیں اور اسلحہ پھینک گئے۔کالاخطائی روڈ کی آبادی جنڈیالہ کلساں کے قریب ڈاکوﺅں نے شہری سے موٹرسائیکل چھین کر فرار ہو گئے جس کی اطلاع نارنگ پولیس کو ملی، پولیس نے ڈاکوﺅں کا تعاقب کیا۔ دونوں طرف سے فائرنگ کا تبادلہ ہوا۔ اس دوران ڈاکوﺅں کی فائرنگ سے ان کا اپنا ساتھی ڈاکو مارا گیا جبکہ کانسٹیبل زخمی ہو گیا۔ دو ڈاکو چھینی ہوئی موٹرسائیکلیں اور اسلحہ پھینک کر رات کی تاریکی میں فرار ہو گئے۔ پولیس مفرور ڈاکوﺅں کی گرفتاری کیلئے ناکہ بندی کرلی۔ پولیس نے مرنے والے ڈاکو کی نعش قبضہ میں لے لی۔ رات گئے پولیس نے آپریشن کا سلسلہ شروع کر رکھا ہے۔ جی ٹی روڈ پر ڈاکوﺅں نے خاتون کی مدد سے کار کرایہ پر حاصل کرنے کے بعد عدیل کو جان سے مار دینے کی دھمکی دے کر مزاحمت پر اسے زخمی کرکے ویران جگہ پھینک دیا اور کار، نقدی دو موبائل چھین کر لے گئے۔ ڈاکوﺅں نے اصغر علی اور احمد رضا سے موٹرسائیکلیں رقم چھین لی۔ محلہ روشن پور میں ڈاکوﺅں نے اللہ دتہ رحمانی کے گھر میں گھس کر اہل خانہ کو لاکھوں روپے مالیت کے زیورات اور نقدی لوٹ کر فرار ہو گئے۔ مریدکے میں نامعلوم چوروں نے عدیل اصغر کے فارم میں داخل ہوکر چار لاکھ روپے مالیت کی مچھلی چوری کرکے فرار ہو گئے۔
ڈاکے