ملتان (نمائندہ خصوصی) ضلعی پولیس نے گزشتہ روز سنٹرل جیل ملتان میں سرچ آپریشن کیا‘ جس میں ایس ایس پی عاطف نذیر‘ ایس پی کینٹ سیف اﷲ‘ دیگر افسران‘ سپیشل برانچ اور مختلف خفیہ اداروں کے نمائندوں نے حصہ لیا۔ آپریشن میں دہشت گردی اور سنگین جرائم میں ملوث مجرمان کے سامان اور بیرکس کی تلاشی لی گئی اور سوالات پوچھے گئے۔ سرچ آپریشن کے دوران خطرناک مجرمان سے کچھ خطوط بھی برآمد ہوئے، جنہیں تجزیے کے لئے تفتیشی ماہرین کے حوالے کر دیا گیا ہے۔ ماہرین کی رپورٹ کی روشنی میں کارروائی عمل میں لائی جائے گی۔ جیل کی سکیورٹی کو مزید بہتر بنانے کا بھی فیصلہ کیا گیا۔
سرچ آپریشن