لاہور (خصوصی رپورٹر) پاکستان کسان اتحاد کے صدر خالد کھوکھر اور چیئرمین چودھری انور کی قیادت میں الگ الگ ملاقات کرنے والے کاشتکاروں کے نمائندہ وفود نے ذاتی طور پر دلچسپی لینے اور مسائل کے حل کی یقین دہانی پر وزیراعلیٰ پنجاب شہبازشریف کا شکریہ ادا کیا۔ وفود نے کہا آپ کاشتکاروں کے ہمدرد ہیں اور جس محنت سے آپ کام کر رہے ہیں ہم آپکو سلام پیش کرتے ہیں۔ آپ کاشتکاروں کے ساتھ ہیں اور انکے مسائل کے حل کیلئے آپ ہر طرح کی سپورٹ بھی کر رہے ہیں۔ وفود کا کہنا تھا آپ کاشتکاروں کیساتھ مخلص ہیں اور انکے مسائل حل کرنے کے حق میں ہیں۔