گوجرانوالہ(نمائندہ خصوصی) مسلم لیگ (ن) کے مرکزی راہنما و ایم این اے حمزہ شہباز شریف سے گوجرانوالہ کے ریسلرز کی ایم پی اے محمد توفیق بٹ کی قیادت میں ملاقات، حمزہ شہباز شریف نے کہا کہ پنجاب بھر میں ریسلنگ کے کھیل کی بھرپور سرپرستی کریں گے، گوجرانوالہ پہلوانوں کا شہر ہے اور اس شہر کے نام کو زندہ رکھنے کیلئے بھی عملی اقدامات کئے جائیں گے، انہوں نے ایم پی اے محمد توفیق بٹ کو ہدایت کی کہ وہ ریسلنگ کے کھیل کو مزید فروغ دینے کیلئے تجاویز بنا کر لائیں تاکہ ریسلنگ کے کھلاڑیوں کی دور جدید کے مطابق ٹریننگ کی جا سکے۔ حمزہ شہباز شریف سے ملنے والے ریسلرز میں گولڈ میڈلسٹ ریسلرز عمر بٹ پہلوان، شانی پہلوان، جانی پہلوان، عمیر بٹ پہلوان و دیگر بھی شامل تھے۔