اٹک: وین اور آئل ٹینکر میں تصادم 9 افراد جھلس کر جاں بحق، 5 زخمی
اٹک (آئی این پی) اٹک میں مسافر وین اور آئل ٹینکر کے درمیان تصادم کے نتیجے میں 9 افراد جاں بحق۔ تفصیلات کے مطابق اٹک میں بسال روڈ پر تیز رفتار مسافر وین آئل ٹیکر سے جا ٹکرائی جس کے نتیجے میں زور دار دھماکہ ہوا اور آگ بھڑک اُٹھی۔ ٹینکر میں لگنے والی آگ نے وین کو فوری طور پر اپنی لپیٹ میں لے لیا۔ وین میں سوار 9 افرد موقع پر ہی جھلس کر جاں بحق ہوگئے جبکہ 5 افراد زخمی ہوئے جنہیں ریسکیو اہلکاروں نے فتح جنگ اور راولپنڈی کے ہسپتالوں میں منتقل کر دیا ہے۔
