لاہور(سپورٹس رپورٹر) دورہ زمبابوے اور قومی ٹی ٹونٹی کرکٹ ٹورنامنٹ کی تیاریوں کے لئے قومی کرکٹرز کا غیر رسمی تربیتی کیمپ قذافی سٹیڈیم میںشروع ہوگیا۔ کیمپ میں پاکستان بیس بال ٹیم کی کوچنگ کے لیے آئے جاپانی کوچ ٹوما اروکا نے بھی کوچز اور کھلاڑیوں کے ساتھ تربیتی کیمپ کے دوران وقت گذارہ اور انہیں تربیت کے طریقہ کار کے متعلق پوچھا جس میں سابق کپتان ایم حفیظ فیلڈنگ میں بہتری لانے کے لیے ان سے تجاویز حاصل کرتے رہے۔