واربرٹن/ اوکاڑہ/ ماموں کانجن/ گجرات (نامہ نگاران) واربرٹن، اوکاڑہ، ماموں کانجن اور گجرات میں لڑکی سمیت 4 خواتین اور لڑکے سے زیادتی کی گئی۔ واربرٹن کے نواحی گاؤں سے زمیندار کی 17 سالہ بیٹی اغواء کر کے زیادتی کی ویڈیو بنا لی۔ پولیس نے مقدمہ درج کر کے ڈی پی او ننکانہ کی ہدایت پر ایک ملزم محمد عمر کو گرفتار کرلیا۔گاؤں ڈیرا جھنگ منڈی کے فرزند علی کی 17 سالہ بیٹی کو رات ملزمان عمر، اسد، آصف وغیرہ نے اغواء کیا مختلف مقامات پر لئے پھرتے رہے ملزمان نے نہ صرف زیادتی کی بلکہ اسے برہنہ کر کے موبائل کے ذریعے ویڈیو بنا کر شادی پر مجبور کرتے رہے۔اوکاڑہ کے چک دولت شاہ کے اکرم کی 11 سالہ بیٹی (س) سے فخر عباس نے زیادتی کی۔ چک نمبر 38 ٹو آر کی فرزانہ کوثر سے سرفراز نے زیادتی کی۔ ماموں کانجن کے گائوں 492گ ب میں زیادتی کے شکار 14سالہ لڑکے نے پولیس کو اپنا بیان قلمبند کراتے کہا ضیاء اور عامر نے اس سے زیادتی کی اور ویڈیو فلم بنا کر بلیک میل کرتے رہے۔ گجرات میں منگووال میں خاتون کے ساتھ زیادتی کے بعد بال کاٹ دئیے گئے، تھانہ کنجاہ کے علاقہ منگووال میں ایک خاتون کو نوجوان نے زیادتی کے بعد تشدد کا نشانہ بنایا اور قینچی سے سر کے بال کاٹ دئیے اور اسے جسمانی تشدد کا نشانہ بناتے زخمی کر دیا۔