خراب موسم کے باعث وزیراعظم نوازشریف ناران نہ جاسکے، مانسہرہ میں ہیلی کاپٹر کی ہنگامی لینڈنگ
اسلام آباد (وقائع نگار خصوصی)وزیر اعظم محمد نواز شریف خرابی موسم کے باعث ناران نہ جا سکے۔ موسم کی خرابی کے باعث وزیر اعظم کے ہیلی کاپٹرنے مانسہرہ سٹیڈیم میں ہنگامی لینڈنگ کی ۔ وہ وفاقی وزیر مذہبی امور سردار یوسف کی رہائش گاہ پر مختصر قیام بعد اسلام آباد واپس آگئے ۔ وزیر اعظم نے مانسہرہ میں مسلم لیگ (ن) کی ضلعی حکومت کے قیام پر وفاقی وزیر مذہبی امور سردار یوسف کو مبارکباد پیش کی۔ اس دوران وزیر اعظم نے مانسہرہ و گردونواح کیلئے سوئی گیس کی فراہمی اور دیگر ترقیاتی فنڈز کا بھی اعلان کیا۔ واضح رہے وزیر اعظم نواز شریف نے اہل خانہ کے ہمراہ سیاحتی مقام ناران کا نجی دورہ کرنا تھا ۔
