قصور+ سکھیکی+ شیخوپورہ (نمائندہ نوائے وقت +نامہ نگاران+ نامہ نگار خصوصی) شیخوپورہ ، قصور، سکھیکی، ساہیوال، اوکاڑہ میں 10 سالہ بچے، لڑکی سمیت 4 خواتین سے زیادتی، ویڈیو بھی بنا لی۔ تفصیلات کے مطابق شیخوپورہ میں تھانہ سٹی بی ڈویژن کے علاقہ بھدرو روڈ پر ایک نوجوان نے 10 سالہ بچے سے زیادتی کر ڈالی۔ پولیس نے گرفتار کر کے اس کے خلاف مقدمہ درج کرلیا۔ زمیندار قیوم اختر کا بیٹا شاہزیب گھر جا رہا تھا ملزم راحیل اس کو بہانے سے گھر لے گیا۔قصور میں کھڈیاں چک 29 سرائے مغل میں دو بھائیوں نے خاتون سے اجتماعی زیادتی کی۔ پروین بی بی نے پولیس تھانہ سرائے مغل میں مقدمہ درج کروایا ہے ملزمان سجاد اور غفار دونوں بھائیوں نے اسے زبردستی زیادتی کا نشانہ بنایا اور ویڈیو فلم بھی بنا لی۔ دونوں ملزمان کو گرفتار کرلیا گیا ہے۔سکھیکی میں مبینہ طو ر پر ایک خاتون (ج) لاہور سے چوکی سکھیکی کی طرف اپنے رشتہ داروں سے ملنے کے لئے ویگن آ رہی تھی راستہ میں نئی منڈی کے قریب ویگن خراب ہوگئی خاتون نے موٹر سائیکل سوار سے لفٹ لی تو موٹرسائیکل سوار چودھری حق نواز نے اس پر پستول تان کر ڈیرہ پر لے جا کر رات بھر اس کی عصمت دری کرتا رہا۔ مبینہ طور پر ملزم نے خاتون کو خاموش کرانے کے لئے لاکھوں روپے ہرجانہ ادا کرنے کی کوشش بھی کی ہے۔ علاوہ ازیں ساہیوال میں 67/5 ایل میں شفیق وغیرہ تین ملزمان نے حمیداں بی بی کی عصمت دری کی۔اوکاڑہ میں چک 43 فور ایل کے نوشیرعلی کی 13 سالہ بیٹی (ز) کو ندیم نے زیادتی کا نشانہ بنا ڈالا۔
زیادتی