لندن میں میڈیکل چیک اپ کے باوجود شہبازشریف کا ویڈیو لنک کانفرنس سے خطاب
لاہور (خصوصی رپورٹر) وزیراعلیٰ پنجاب محمد شہباز شریف لندن میں میڈیکل چیک اپ کے مصروفیات کے باوجود گزشتہ تین روزسے ویڈیو لنک کانفرنس کے ذریعے مختلف سرکاری محکموں کی کارکردگی کا جائزہ لے رہے ہیں اور ضروری احکامات جاری کررہے ہیں۔ وزیراعلیٰ محمد شہباز شریف نے لند ن پہنچنے کے فورا بعد ویڈیو لنک کانفرنس کے ذریعے سیف سٹی پراجیکٹ کا جائزہ لیا۔ وزیراعلی نے گزشتہ روز ویڈیولنک کانفرنس کے ذریعے پنجاب میں زراعت کی ترقی اور کاشتکاروں کے مسائل کے حل کے حوالے سے تجاویز کا جائزہ لینے کے لئے سول سیکرٹریٹ میں اعلی سطح اجلاس سے خطاب کیا۔وزیراعلی محمد شہباز شریف کی لند ن میں بھی ملاقاتیں اوراجلاس جاری ہیں۔انہوں نے مسلم لیگ (ن) کے عہدیداران اور کارکنوں سے ملاقات کی۔
