لاہور (آئی این پی+ نوائے وقت رپورٹ) مسلم لیگ (ن) کے رہنما سردار ایاز صادق نے کہا ہے کہ شیخ رشید میری سطح کے نہیں ، وہ پہلے شادی کرائیں پھر کوئی اور بات کریں، ریکارڈ کی درستگی کیلئے آج سپریم کورٹ جائوں گا۔ نجی ٹی وی اور کارکنوں سے ملاقات میں گفتگو کرتے ہوئے سردار ایاز صادق نے کہا کہ خواہش تھی عمران خان ہی میرے مدمقابل الیکشن لڑتے لیکن تحریک انصاف جو بھی امیدوار لائے گی میں نے تو الیکشن ہی لڑنا ہے، میرے لئے کوئی مسئلہ نہیں۔ ایاز صادق نے کہا کہ سمجھ نہیں آرہی کہ مجھے جرمانہ کس چیز کا کیا گیا، قصور الیکشن مشینری کا ہے اور سزا مجھے دے رہے ہیں۔