اسلام آباد (نوائے وقت رپورٹ) وزیراعظم نوازشریف نے نیشنل ایکشن پلان پر عملدرآمد کا جائزہ لینے کیلئے ایپکس کمیٹی کا اہم اجلاس 10 ستمبر کو سہ پہر ایک بجے طلب کرلیا ہے جس میں آرمی چیف، چاروں صوبائی وزرائے اعلیٰ، سول اور عسکری حکام شرکت کرینگے۔ اجلاس میں نیشنل ایکشن پلان تیزکرنے کے اقدامات پر غور کیا جائے گا۔ اجلاس میں دہشت گردوں کی مالی معاونت کرنے والے افراد کیخلاف کارروائی پر غور کیا جائے گا۔ مدارس کی رجسٹریشن سمیت نیکٹا اور انٹیلی جنس شیئرنگ کا نظام بہتر بنانے پر بات ہوگی۔