بلاول ایک ہفتہ کے دورے پر آج لاہور پہنچیں گے
لاہور (خصوصی رپورٹر) پاکستان پیپلز پارٹی کے چیئرمین بلاول بھٹو زرداری ایک ہفتہ کے دورے پر آج ہفتہ کو لاہور پہنچیں گے جہاں وہ پارٹی عہدیداران، بلدیاتی پارلیمانی بورڈ کے ارکان سمیت ٹکٹ ہولڈروں، صحافیوں سے ملاقاتیں کرینگے۔ پیپلز پارٹی کے رہنما عبدالقادر شاہین کے مطابق بلاول بھٹو زرداری آج 5 ستمبر کو لاہور پہنچیں گے جبکہ کل 6 ستمبر کو وہاڑی اور ضلع لودھراں کے بلدیاتی پارلیمنٹری بورڈ کے ارکان، ٹکٹ ہولڈرز اور تحصیل و ضلعی عہدیداران سے ملاقات کرینگے۔ علاوہ ازیں جنوبی پنجاب کے تمام اضلاع کے صدور، جنرل سیکرٹریوں اور انفارمیشن سیکرٹریوں سمیت ونگز کے صوبائی صدر، جنرل سیکرٹریز سے بھی ملاقات کرینگے۔
