قلعہ دیدار سنگھ+ اوکاڑہ+ پاکپتن +کسووال+ ٹوبہ (نامہ نگاران) قلعہ دیدار، اوکاڑہ ، پاکپتن ، کسوال، ٹوبہ ٹیک سنگھ میں 5 سالہ بچی، 2 خواتین اور 2 لڑکوں سے زیادتی کی گئی۔ تھانہ لدھیوالہ وڑائچ کے علاقہ بھکڑے والی کلاں کے نوجوان عاصم نے محنت کش ابراہیم کی پانچ سالہ بیٹی کو ٹافیاں دینے کے بہانے اپنی دکان میں بند کر کے اس سے زیادتی کی۔ پاکپتن میں گائوں ماچھی سنگھ میں نذیراں بی بی مظہر حسین کے پاس گئی اس کی طبیعت خراب ہے اپنی بیوی (ش) کو ساتھ بھیج دو جس پر شاہنواز نے اس کی بیوی کو اغوا کرکے لے جا کر زبردستی زیادتی کا نشانہ بنا ڈالا۔اوکاڑہ میں اشفاق عرف شاقو کوٹ کاہن سنگھ پاکپتن کے ذاکر علی کے دس سالہ بیٹے احمد سے زیادتی کی۔ لڑکے نے ملزم سے مزاحمت کی تو ملزم نے اسے تشدد کا نشانہ بنایا جس سے اس کی دونوں آنکھیں پھوڑ ڈالیں۔کسووال میں تھانہ شاہکوٹ پولیس کے مطابق حلیمہ بی بی نے درخواست دی خالد نے میرے ساتھ زیادتی کی۔ٹوبہ میں چک 183 گ ب کے سلیمان نے بتایا محبوب نے اس کے ذہنی معذور بیٹے عبدالرحمن کو زیادتی کا نشانہ بنا ڈالا۔ملتان سے نوائے وقت رپورٹ کے مطابق ملتان میں شادی شدہ خاتون سے زیادتی کے بعد ویڈیو بنانے والے 5 ملزمان کو گرفتار کرلیا گیا۔ ملزم 3 ماہ سے خاتون کو بلیک میل کر کے زیادتی کا نشانہ بنا رہے تھے۔علاوہ ازیں لاہور سے خصوصی رپورٹر کے مطابق وزیراعلیٰ شہباز شریف نے لاہور کے علاقہ شادمان میں 2پولیس اہلکاروںکی لڑکی سے مبینہ زیادتی اور اسے فروخت کرنے کی خبر کا نوٹس لیتے ہوئے سی سی پی او لاہور سے رپورٹ طلب کرلی اور واقعہ کی تحقیقات کا حکم دیا ہے۔