لاہور (سپورٹس رپورٹر) تیسری رگبی لیگ میں لاہور ہاکس نے ڈویژن ٹو اے کے میچ میں پولیس کو یکطرفہ مقابلے کے بعد شکست دے کر ڈویژن ون کیلئے کوالیفائی کرلیا جبکہ لودھراں نے وہاڑی کوشکست دیدی۔ تفصیلات کے مطابق پنجاب سٹیڈیم لاہور میں لاہور ہاکس اور پولیس کے درمیان 15 سائیڈ رگبی میچ یوم دفاع کے موقع پر کھیلا گیا۔ مخدوم عالی سلطان میں لودھراں نے دلچسپ مقابلے کے بعد وہاڑی کو 12-5 سے شکست دیدی۔ وہاڑی کی طرف سے افضل نے واحد ٹرائی سکور کی جبکہ لودھراں کی طرف سے شہباز اور عامر نے ایک ایک ٹرائی سکور کی۔