لاہور(نمائندہ سپورٹس ) بنگلہ دیش کرکٹ بور ڈ کے سکیورٹی وفد کے ہیڈ میجر ریٹائرڈ حسین امام نے کہا ہے کہ سکیورٹی کے شاندار انتظامات سے متاثرہوئے ہیں ۔دورہ کی رپورٹ بورڈکو جمع کرائوں گا لیکن دورہ کا حتمی فیصلہ دونوں بورڈز کے درمیان مشاورت سے ہوگا۔میڈیا سے گفتگو کرتے ہوئے کہا کہ انہوں نے کراچی اور لاہور کے سٹیڈیمز اور ایئر پورٹس سے سٹیڈیمز تک سکیورٹی انتظامات ‘کھلاڑیوں کی رہائش گاہ اورکنٹرول اینڈ کمانڈسسٹم کے بارے میں آگاہی حاصل کی ہے اور انتظامات سے متاثر ہوئے ہیں ۔ بنگلہ دیش ویمن ٹیم کے دورہ کے بارے میں بہتری کی امید رکھتے ہیںمگر حتمی فیصلہ دونوں بورڈ ز کے حکام مل کر کریںگے۔