لاہور(نمائندہ سپورٹس )قومی ٹی ٹونٹی کپ کے مین رائونڈ میں سیالکوٹ‘ لاہور راولپنڈی نے کامیابی حا صل کرلی ۔ سیالکوٹ ریجن نے مختار احمد کی سنچری کی بدولت 5وکٹوں پر 198رنز بنائے ۔ مختار احمدنے 67گیندوں پر 123رنز بنائے جن میں 18چوکے اور تین چھکے شامل تھے ۔انہوں نے قومی ٹی20 کا ریکارڈ اپنے نام کر لیا ۔اس سے قبل یہ ریکارڈ عمران فرحت کے پاس تھا جنھوں نے 115 رنز بنائے تھے۔ کراچی ریجن وائٹس کی ٹیم 6وکٹوںپر 191رنزبنا سکی ۔مختار احمد کو میچ کا بہترین کھلاڑی قرار دیا گیا اسلام آباد ریجن نے 3وکٹوں پر 168رنز بنائے۔لاہور ریجن وائٹس نے ہدف 6وکٹوں پر پورا کرلیا ۔احمد شہزاد 48رنز بناکر میچ کے بہترین کھلاڑی قرار پائے۔ راولپنڈی ریجن کی ٹیم نے بہاولپور ریجن کی ٹیم کو شکست دیدی۔بہاولپورنے 9وکٹوں پر 125رنز بنائے ۔ محمد عامر نے 3وکٹیں حاصل کیں۔راولپنڈی ریجن نے ہدف تین وکٹوں کے پورا کرلیا ۔ مین آف دی میچ ناصر جمشید نے ناقابل شکست 62رنز بنائے۔