جھنگ (نامہ نگار) مسلم لیگ ن کی رکن قومی اسمبلی غلام بی بی بھروانہ ٹریفک حادثہ میں زخمی ہوگئیں۔ تفصیلات کے مطابق رکن قومی اسمبلی حلقہ این اے 88 غلام بی بی بھروانہ جھنگ سے اسلام آباد جارہی تھیں کہ پنڈی بھٹیاں موٹر وے پر اچانک گاڑی کا ٹائر پھٹ گیا ۔اور گاڑی بے قابو ہوگئی جس کے نتیجہ میں غلام بی بی بھروانہ زخمی ہو گئیں ۔جنہیں موٹر وے پولیس نے طبی امداد کے لیے ہسپتال منتقل کر دیا ۔ہسپتال میں انہیں طبی امداد دینے کے بعد فارغ کر دیا گیا۔