لاہور (سپورٹس رپورٹر) نامور اداکارہ بابرہ شریف نے لاہور چڑیا گھر میں شیر کا بچہ گود لے لیا۔ بابرہ شریف نے 15 روزہ شیر کا بچہ جسے اس کی ماں کے نظرانداز کرنے پر ہاتھ سے دودھ پلایا جا رہا تھ، ایک سال کے لئے گود لیا ہے اور اسکا نام "شینکو" رکھا ہے جس کے معنی بہادر اور دلیر کے ہیں۔ اداکارہ نے ایک سال کے اخراجات دو لاکھ روپے ادا کئے ہیں۔ بابرہ شریف نے اپنے پیغام میں کہا ہے کہ جانور قدرت کا انمول تحفہ ہیں ان کے تحفظ اور بقا کےلئے ہم سب کو اپنا کردار ادا کرنا چاہئے۔ ڈائریکٹر لاہور چڑیا گھر شفقت علی نے بابرہ شریف کے احسن اقدام کو سراہا اور ان کا شکریہ ادا کیا۔
بابرہ/ بچہ