لاہور(نمائندہ سپورٹس) پی سی بی کے زیر اہتمام قومی ٹی ٹونٹی ٹورنا منٹ میں کراچی ریجن بلیوز‘ملتان ریجن‘ایبٹ آباد ریجن اور سیالکوٹ ریجن نے میچز جیت لئے ۔ملتان ریجن نے سیمی فائنل کیلئے بھی کوالیفائی کرلیا ۔کراچی ریجن بلیوز نے لاہور ریجن وائٹس کو شکست دی ۔ لاہور نے 7وکٹوں پر 179رنز بنائے ۔احمد شہزاد 40رنزبناکر نمایاں رہے۔ رومان رئیس نے تین وکٹیں حاصل کیں۔کراچی بلیوز نے ہدف 17.4اوورز میں تین وکٹوں پر پورا کرلیا۔ خرم منظور 81رنز بناکر نمایاں رہے‘انکو میچ کابہترین کھلاڑی قرار دیا گیا ۔ملتان ریجن نے کراچی وائٹس ریجن کو تین رنز سے ہرایا۔ ملتان نے 185رنز بنائے ۔ کامران اکمل نے 105رنز بنائے ۔ کراچی کی ٹیم چار وکٹوں پر 182رنز بناسکی ۔کامران اکمل کو میچ کا بہترین کھلاڑی قرا ر دیاگیا ۔ایبٹ آباد ریجن نے پشاور ریجن کو چھ وکٹوں سے زیر کرلیا۔ پشاور نے چار وکٹوں پر 195رنز بنائے ۔ افتخار احمد نے 90رنز کی اننگز کھیلی۔ایبٹ آباد نے ہدف فخر زمان کے 100رنز کی بدولت 19.3اوورز میں چار وکٹوں پرپورا کرلیا ۔ فخر زمان کو میچ کا بہترین کھلاڑی قرار دیا گیا۔اسلام آباد ریجن نے فیصل آبادریجن کو 8وکٹوں سے پچھاڑ دیا ۔ فیصل آباد نے 8وکٹوں پر 158رنز بنائے ۔اسلام آباد نے دو وکٹوں پر پورا کرلیا۔آفاق رحیم نے70رنز بنائے ۔انکو میچ کابہترین کھلاڑی قرار دیا گیا۔سیالکوٹ ریجن نے راولپنڈی ریجن کو 19رنز سے شکست دیدی ۔سیالکوٹ ریجن نے 4وکٹوں پر 176 رنز بنائے۔ حارث سہیل 50اور شعیب ملک 48رنز بناکر نمایاں رہے ۔راولپنڈی ریجن کی ٹیم 7وکٹوں پر157رنز بناسکی ۔شعیب ملک کو میچ کا بہترین کھلاڑی قراردیاگیا۔