اسلام آباد: منشیات سمگلنگ کی کوشش ، مسافر کے پیٹ سے ہیروئن کے 70 کیپسول برآمد
اسلام آباد (آن لائن) اسلام آباد میں بے نظیر انٹرنیشنل ایئرپورٹ پر اینٹی نارکوٹس فورس نے کارروائی کرتے ہوئے بیرون ملک منشیات سمگلنگ کی کوشش ناکام بناکر مسافر کے پیٹ سے ہیروئن کے 70 کیپسول برآمد کر لئے۔ تفصیلات کے مطابق ہفتے کے روز اسلام آباد میں بے نظیر انٹرنیشنل ائرپورٹ پر اینٹی نارکوٹس فورس نے شبے کی بنیاد پر ایک مسافر کے پیٹ کی سکینگ کے دوران ہیروئن کے 70 کیپسول برآمد کر لئے ۔ اینٹی نارکوٹس فورس کے مطابق مسافر منشیات کو پاکستان سے اٹلی سمگل کرنا چاہتا تھا۔
