حبیب آباد+ فیصل آباد+ ٹوبہ ٹیک سنگھ+ اوکاڑہ+ کسووال (نمائندہ خصوصی+ نامہ نگاران) فیصل آباد، ٹوبہ ٹیک سنگھ، اوکاڑہ، کسووال میں بچی، طالبہ اور 3 خواتین سے زیادتی کی گئی۔ تفصیلات کے مطابق حبیب آباد کے نواحی علاقے چک 69 کے عاشق کے گھر میں ملزم افضل اور ایک نامعلوم ساتھی آئے اور بھاوج ثانیہ بی بی کو زبردستی زیادتی کا نشانہ بنا ڈالا۔فیصل آباد میں پولیس رپورٹ کے مطابق تھانہ ڈی ٹائپ کالونی کے علاقہ سہیل آباد کی 11 سالہ تہمینہ کو ملزم کاشف نے اسلحہ کے زور پر زیادتی کا نشانہ بنا ڈالا، دادرسی کے لئے آنے والے ادریس نے بھی زیادتی کوشش کی۔ ٹوبہ ٹیک سنگھ میں چک 254گ ب کے اشرف نے بتایا اسکی بیٹی مسماۃ (ر) گورنمنٹ گرلز ہائی سکول 254گ ب جا رہی تھی غلام محی الدین اور محمد علی وغیرہ کار میں اغواء کرکے لے گئے اور 24 دن تک اجتماعی زیادتی کا نشانہ بناتے رہے۔کسووال میں تھانہ شاہکوٹ پولیس کے مطابق ملزم فاروق نے زاہدہ بی بی کے ساتھ زیادتی کر ڈالی۔ اوکاڑہ میں صدر گوگیرہ کی بیوہ خاتون صغراں بی بی کو ٹھٹھہ سیداں میں بغداد شاہ نے زبردستی زیادتی کا نشانہ بنا ڈالا۔