کراچی (این این آئی) پیپلز پارٹی کے چیئرمین آصف علی زرداری سے دبئی میں فوڈ ڈیپارٹمنٹ سندھ کے صلاح کار یوسف ابراہیم مستوئی نے ملاقات کی اور سندھ میں آنے والے بلدیاتی الیکشن کی تیاری اور موجودہ سیاسی صورتحال پر تبادلہ خیال کیا۔ آصف علی زرداری نے یوسف ابراہیم مستوئی سے بات کرتے ہوئے کہا پیپلز پارٹی نے ہمیشہ جمہوریت کی بات کی ہے، کبھی چور دروازے سے اقتدار حاصل نہیں کیا، پیپلز پارٹی کی جڑیں عوام میں مضبوط ہیں۔ انہوں نے کہا پیپلز پارٹی نے ہمیشہ عوام کی بات کی ہے، پیپلز پارٹی کیخلاف ہونیوالی سازشوں کو سمجھتے ہیں جن کا جم کر مقابلہ کریں گے۔ آصف علی زرداری نے مزید کہا آنے والی بلدیاتی الیکشن میں پیپلز پارٹی بہتر کردار ادا کریگی۔