لاہور (نامہ نگار) رنگ روڈ پر 21سالہ نوجوان موٹر سائیکل کے اوپر کرتب دکھاتے ہوئے نیچے گر کر ہلاک ہو گیا۔ بتایا جاتاہے کہ رنگ روڈ پر نوجوان فہد دوستوں کے ساتھ موٹرسائیکل پر ون ویلنگ کرتے اور کرتب دکھاتے ہوئے جا رہا تھا کہ تیز رفتاری کے باعث فہد توازن برقرار نہ رکھ سکا اورموٹر سائیکل بے قابو ہو کر پھسل گئی جس کے نتیجے میں فہد نیچے گر کر شدید زخمی ہو گیا جسے طبی امداد کیلئے ہسپتال لے جایا گیا مگر وہ جانبر نہ ہو سکا اور اس نے دم توڑ دیا ہے۔اطلاع ملنے پر پولیس نے موقع پر پہنچ کر نعش قبضے میں لے لی اور بعد ازاں ضروری کارروائی کے بعد ورثا کے حوالے کر دی ہے۔ نعش گھر پہنچتے ہی کہرام مچ گیا۔