لاہور (نامہ نگار) بجلی کی لوڈشیڈنگ کا سلسلہ گزشتہ روز بھی جاری رہا جس کے باعث کاروبار زندگی متاثر رہا جبکہ کئی علاقوں میں پانی کی بھی قلت رہی۔ بصیرپور سے نامہ نگار کے مطابق بصیرپور میں مین لائن سے بندش کے نام پر بجلی مسلسل 7 گھنٹے بند رہی جس سے شہری پانی کو ترس گئے۔ حافظ آباد سے نمائندہ نواء یوقت کے مطابق بجلی کی غیراعلانیہ لوڈشیڈنگ کے دورانیہ میں اضافہ ہو گیا جس سے شہریوں کو مشکلات کا سامنا رہا۔ دن اور رات کے دوران بجلی 12 سے 14 گھنٹے تک بند رہنے لگی۔