دمشق (نیوز ایجنسیاں+ بی بی سی) شام میں کار بم دھماکے اور راکٹ حملے میں14 بچوں سمیت 38 افراد ہلاک اور150 زخمی ہوگئے۔ ادھر پینٹاگون کے ترجمان نے کہا ہے روس شام میں فوجی اڈا تعمیر کر رہا ہے۔ روس کے صدر پیوٹن نے شام میں جاری جنگ اور اس میں روس کے کردار پر بڑھتی ہوئی تشویش کے باوجود شام کی فوجی حمایت جاری رکھنے کی یقین دہانی کرائی ہے۔ امریکی وزیرخارجہ نے کہا شام کے بحران کا حل بشارالاسد کے بغیر نکالا جائے گا۔