اسلام آباد(سپورٹس رپورٹر)پانچویں سلطان آف جوہر جونیئر ہاکی ٹورنامنٹ اور جونیئر ایشیاءکپ ہاکی ٹورنامنٹ کیلئے 21رکنی قومی جونیئر ٹیم سمیت 5سٹینڈ بائی کھلاڑیوں کے ناموں کا اعلان کر دیا گیا ۔یہ اعلان پاکستان ہاکی فیڈریشن کی قومی سلیکشن کمیٹی کے سربراہ عبدالرشید جونیئرنے دو روزہ ٹرائلز کے بعد کیا۔ سلیکٹرز سعید خان، وسیم فیروز،فر حت خان ، اور قاسم خان‘ صدر پی ایچ ایف بریگیڈئر(ر)خالد سجاد کھوکھر،سیکرٹری شہباز احمد سینئر ،خزانچی،اخلاق احمد‘ قومی جونیئر ہاکی ٹیم کے نامزد منیجرخالد مختار ،ہیڈ کوچ طاہر زمان، اسسٹنٹ کوچز ذیشان اشرف محمد عرفان اور منصور احمد بھی موجود تھے۔کے ہمراہ قومی جونیئر ٹیم کی سلیکشن کے بارے میں بتایا کہ 11سے18اکتوبر تک ملائشیاءکے شہر جوہر باہرومیںسلطان آف جوہر باہروجونیئر ہاکی ٹورنامنٹ اور جونیئر ایشیاءکپ ہاکی ٹورنامنٹ کیلئے 21رکنی قومی جونیئر ٹیم کے کھلاڑیوں کے ناموں کا اعلان کرتے ہوئے بتایا کہ گول کیپرز میں طلال خان اور علی حیدر،فل بیکس میں مبشر بیگ،فیصل شاہ اور آصف مشتاق،ہاف بیکس میں فیضان جونٹی،ابو بکر،محمد قاسم،جنید کمال،سکندر مصطفیٰ اور محمد عدنان جبکہ فارورڈز میں شان ارشاد،اظفر ایوب،دلبر حسین،فہد،سہیل ریاض ،ایم عتیق،بلال قادر،عدنان انور،محمد نوید اور رضوان شامل ہیں،پانچ سٹنڈ بائی کھلاڑیوں میں علی رضا(گول کیپر)،زاہد اللہ(فل بیک)،اسفند ہار(ہاف بیک)جبکہ سہیل انجم اور محسن صابر(فارورڈز) شامل ہیں۔دلبر حسین جونیئر ٹیم کے کپتان ہونگے۔جونیئر ٹیم 7اکتوبر کو ملائشیاءکیلئے روانہ ہوگی جبکہ جونیئر ایشیاءکپ سے پہلے قومی جونیئر ٹیم ملائشیاءہی میں رہائش پذیر ہو کر تربیت حاصل کریگی۔