کراچی (آئی این پی) جناح ہسپتال کے باہر سے نامعلوم برقع پوش عورت شیر خوار بچہ اغوا کر کے فرار ہوگئی، پولیس نے مقدمہ درج کرکے بچے کی بازیابی کیلئے کوششیں تیز کردیں۔ تفصیلات کے مطابق گزشتہ روز کورنگی کی رہائشی خاتون جناح ہسپتال علاج معالجہ کےلئے آئی تو اس کے ساتھ ایک شیر خوار بچہ بھی تھا۔ مذکورہ خاتون نے ہسپتال میں جانے سے پہلے بچہ اپنے دیور کے حوالے کیا اور ہسپتال کے باہر انتظار کرنے کا کہا جہاں اس کے دیور سے ایک نقاب پوش خاتون نے بچے کو بہلانے کے بہانے گود میں لیا اور بچے کو لیکر فرار ہوگئی۔ پولیس نے جناح ہسپتال کی سی سی ٹی وی کیمروں کی مدد سے نقاب پوش خاتون اور اس کے ساتھی کی تصاویر حاصل کرلیں اور مقدمہ درج کرکے اغواءکار خاتون کی گرفتاری کیلئے کوششیں تیز کردی ہیں۔
کراچی/ عورت بچہ