قصور +فیصل آباد ( نامہ نگاران+نمائندہ نوائے وقت +نمائندہ خصوصی) قصور، فیصل آباد، اوکاڑہ، پاکپتن، گجرات میں 5 لڑکیوں سمیت 7 خواتین، میانوالی میں طالبعلم سے زیادتی، ویڈیو بنا لی۔ قصور کے نواحی گاؤں جھگیاں دھنا سنگھ میں مقدمہ کی مدعیہ مسماۃ رانی بی بی نے بتایا اس کی بیٹی (ن) ضروری کام کے سلسلے میں نانی کے گھر جا رہی تھی لیاقت اسے اسلحہ کی نوک پر دکان میں لے گیا اور زیادتی کر ڈالی۔ فیصل آباد میں پولیس رپورٹس کے مطابق تھانہ بٹالہ کالونی کے علاقہ آبادی جھنڈا سنگھ والا میں امتیاز نے دوستوں ملک ندیم، محمد اختر، فرخ رشید کی مدد سے شکیلہ بی بی کو زیادتی کا نشانہ بنا ڈالا۔ میانوالی میں پپلاںکے محلہ ریل بازار کے دہم کلاس کے طالبعلم سے نوجوان کی زیادتی، ویڈیو بناکر رقم کا تقاضا کر دیا اور اس کی تصویر گھر پھینک دیں۔ ایم ذیشان نے میڈیا سے صحافیوں کو بتایا سمن آباد پپلاں کے کامران نے کچھ دن قبل اس سے زبردستی زیادتی کی۔ اوکاڑہ کے چک نمبر 54 ٹو ایل کی جواں سالہ (ص) کو نوید، چک نمبر 45 ٹو ایل کے ریاض کی بیٹی (م) سے فقیر حسین نے زیادتی کی۔ پاکپتن میں ملکہ ہانس کی شہناز بی بی بازار سے سودا سلف لینے گئی تھی بیٹی (ر) بی بی گھر میں موجود تھی رزاق وغیرہ 3 افراد نے زیادتی کر ڈالی۔گائوں نانک پور میںکاریگر نے خاتون (ر) بی بی کو زیادتی کا نشانہ بنا ڈالا۔ علاوہ ازیں تھانہ صدر گجرات نے کاشف بٹ اور سٹاف گلہ گجرات کے نوجوان آغا رمیض کے خلاف امین آباد کی (ر) شہزادی کے زیادتی کے الزام میں مقدمہ درج کرلیا۔