ٹیکسلا (نوائے وقت رپورٹ+ نمائندہ نوائے وقت ) ٹیکسلا میں ہیوی انڈسٹریز پر خودکش حملے کی کوشش ناکام بنا دی گئی۔ پولیس نے دو مبینہ دہشت گرد گرفتار کر کے خودکش جیکٹ برآمد کر لی۔ مبینہ دہشت گردوں نے ہیوی انڈسٹریز ٹیکسلا میں داخل ہونے کی کوشش کی۔ مشکوک حرکات پر گیٹ پر مامور سکیورٹی گارڈز نے انہیں روکا جس پر مبینہ دہشت گردوں نے دوڑ لگا سکیورٹی گارڈز نے پیچھا کر کے کچھ فاصلے پر پکڑ لیا۔ٹیکسلا سے نمائندہ نوائے وقت کے مطابق اینٹی نارکوٹکس ٹیم نے جی ٹی روڈ سرائے کالا پل کے نیچے چھپنے کی کوشش کرنے والے شخص کو قابو کر لیا اور ہیروئن پائوڈر کا پیکٹ بھی اپنے قبضے میں لے لیا تاہم پولیس کے مطابق ٹیکسلا سے مذکورہ سمگلر کو گرفتار کیا گیا ہے دہشت گردوں کے پکڑے جانے کی خبروں میں صداقت نہیں۔