لاہور (کامرس رپورٹر) لاہور ایوانِ صنعت و تجارت کے کارپوریٹ کلاس کے انتخابات برائے 2015-16میں پیاف فائونڈرز الائنس 8نشستوں پر کلین سویپ کرتے ہوئے کامیابی حاصل کی ہے۔انفرادی طور پر پیاف فائونڈر الائنس کے الماس حیدر نے 779، امجد علی جاوا نے 788، میاں رحمن عزیز چن نے 756، تنویر احمد نے 781، شیخ محمد ابراہیم نے 755، محمد عدنان خالد بٹ نے 749، میاں عبدالرزاق نے 728اور شہزاد ایوب نے 703ووٹ حاصل کیے۔ پروگریسیو گروپ کے خالد عثمان نے 344، طاہر ملک نے 306، محمد ارشاد چودھری نے 319، چودھری علی اکبر نے 299، محمد منصور دلاور نے 337، محمد نواز نے 278، نعیم انور نے 289 اور طارق صدیق نے 261ووٹ حاصل کئے۔ دوسرے مرحلے میں ایسوسی ایٹ کلاس کی7نشستوں کے لئے پولنگ آج 22ستمبرکو ہوگی جس میں 7800ممبران اپنا حقِ رائے دہی استعمال کریں گے۔ الماس حیدر اور میاں رحمن عزیز چن کے درمیان سینئر نائب صدر جبکہ ناصر سعید ، وقار احمد میاں اور میاں زاہد جاوید کے درمیان نائب صدر کامقابلہ ہے۔ ذرائع کے مطابق الماس حیدر سینئر نائب صدر اور ناصر سعید نائب صدر کے عہدوں کیلئے فیورٹ قرار دیئے جا رہے ہیں۔