بھکر، پسرور، سیالکوٹ، ٹوبہ ٹیک سنگھ، (نامہ نگاران) مختلف واقعات میں تین خواتین کو زیادتی کا نشانہ بنا دیا گیا۔ تفصیلات کے مطابق بھکر کے نواحی علاقہ بڈھے والی میں ملزمان رمضان وغیرہ نے (پ) کو زیادتی کا نشانہ بنا دیا۔ پسرور میں تھانہ بڈیانہ کے گائوں ڈھلم میں 5 افراد نے محنت کش کی 16سالہ بیٹی کو اجتماعی زیادتی کا نشانہ بنا دیا۔ تین ملزموں کو گرفتار کر لیا گیا۔ ملزمان عدیل، ناظم، رفاقت، نعیم اور علی وغیرہ نے مسماۃ (آ) کو گائوں کے باہر ٹیوب ویل پر کپڑے دھوتے ہوئے پکڑ کر زبردستی اجتماعی آبروریزی کا نشانہ بنایا۔ ٹوبہ ٹیک سنگھ سے نامہ نگار کے مطابق بااثر ملزمان کی گن پوائنٹ پر بھٹہ مزدور خاتون کو اجتماعی زیادتی کا نشانہ بنا دیا۔ ماجھی سلطان روڈ پر چک نمبر 478ج ب میں ملک سرفراز کے بھٹہ خشت پر محنت مزدوری کرنے والی شمیم اختر گھر میں اکیلی تھی کہ ملزمان ذوالفقار اور غلام شبیر زبردستی گھر میں گھس گئے اور گن پوائنٹ پر زیادتی کا نشانہ بنا کر فرار ہوگئے۔ اوکاڑہ کے نواحی قصبہ میرک پلاٹ کے رہائشی عبدالغفور کی بیٹی (ر) گھر میں اکیلی تھی کہ مسلح چار ملزمان مظفر، صدی، عاشق اور فاروق گھر میں داخل ہو گئے اور ملزم مظفر نے زبردستی (ر) کو زیادتی کا نشانہ بنا ڈالا جبکہ چک نمبر 32 ٹو آر کی 8 سالہ بیٹی پروش ملزم عباس کے گھر گئی جہاں ملزم نے اسے اپنی ہوس کا نشانہ بنانے کی کوشش کی بچی کے شور مچانے پر دیہاتی آ گئے جنہیں دیکھ کر ملزم بھاگ گیا۔ محلہ شاہ میر حجرہ شاہ مقیم کے رہائشی عمر دراز کی 5 سالہ بیٹی عائشہ دینی تعلیم حاصل کرنے کی غرض سے محمد اشرف کے گھر گئی جہاں اس کے گھر کام کرنے والے مزدور گلزار گلو نے اسے زیادتی کا نشانہ بنانے کی کوشش کی لوگوں کے آ جانے پر وہ اپنی ناپاک کوشش میں ناکام ہو گیا۔ لوگوں نے ملزم کو پکڑ لیا۔