قومی ٹی ٹونٹی ٹیم اور انتظامیہ زمبابوے ‘مصباح لاہورمیں عید منائیں گے
لاہور(سپورٹس رپورٹر+نمائندہ سپورٹس) بوم یوم آفریدی سمیت پاکستان ٹی ٹونٹی ٹیم کے کھلاڑی جن میں ایم حفیظ، احمد شہزاد، مختار احمد، عمر اکمل، صہیب مقصود، شعیب ملک، عامر یامین، ایم عرفان، بلال آصف، وہاب ریاض، عماد وسیم، سہیل تنویر، ایم رضوان اور عمران خان جونیئر شامل ہیں۔ پاکستان ٹیم مینجمنٹ میں منیجر انتخاب عالم، کوچ وقار یونس، سپن باولنگ کوچ مشتاق احمد، ڈاکٹر سہیل سلیم، اسسٹنٹ منیجر شاہد اسلم، سکیورٹی منیجر میجر اظہر عارف، کرکٹ انالسٹ طلحہ بٹ اور مساجر ملنگ علی کھلاڑیوں کے ساتھ عید زمبابوے میں منائیں گے۔ پاکستان ٹیم کے غیر ملکی بیٹنگ گوچ گرانٹ فلاور اور فیلڈنگ کوچ گرانٹ لوڈن بھی ٹیم کے ہمراہ ہونگے۔ پاکستان کرکٹ بورڈ کے چیئرمین شہریار خان لاہور میں، پاکستان سپر لیگ کے سربراہ نجم سیٹھی لاہور میں، پاکستان ٹیسٹ ٹیم کے کپتان مصباح الحق لاہور میں، قومی ون ڈے ٹیم کے کپتان اظہر علی، اسد شفیق، سرفراز احمد، سعید اجمل، عبدالرحمان اور سابق کپتان انضمام الحق حج کی سعادت حاصل کرنے کے لئے سعودی عرب میں عید منا رہے ہیں۔ پاکستان ہاکی فیڈریشن کے صدر بریگیڈئر (ر) خالد سجاد کھوکھر اسلام آباد میں، سیکرٹری شہباز احمد سینئر راولپنڈی میں، جونیئر ٹیم کے ہیڈ کوچ طاہر زمان گوجرہ میں، سابق کپتان ایم عمران لاہور میں، جونیئر ہاکی ٹیم کے کھلاڑی اپنے آبائی علاقوں میں جبکہ پاکستان ہاکی ٹیم کے سینئر کھلاڑی راشد محمود اور رضوان سینئر ہالینڈ میں عید منائیں گے۔
